قال الدكتور محمد الباز، رئيس مجلسي إدارة وتحرير جريدة "الدستور"، إنه عندما كان في طريقه للقاهرة قادما من شرم الشيخ بعد انتهاء فعاليات منتدى شباب العالم في نسخته الرابعة، تحدث معه مواطن بسيط حول أهمية منتدى شباب العالم، وذكر له أن المنتدى فرصة كبيرة لمصر لتعريف العالم بما بحدث فيها.
وتابع الباز خلال برنامجه "آخر النهار"
المُذاع على قناة "النهار": "المواطن قالي كمان لو قعدنا 100 سنة
نتكلم مع الناس ونقول عملنا وأنجزنا إيه فالعالم ممكن يشك لأنه هيعتبر الكلام اللى
بنقوله دعاية والناس دايما بتحس بمبالغة في الدعاية، لكن الشباب الأجنبي اللى جه
السنة دي مش هو اللى جه في الـ3 نسخ الأخيرة للمنتدى، وكل واحد من الشباب دي لما
يرجع بلده هيتكلم عن مصر واللي حاصل فيها من تطور".
وأضاف: "هذه الإجابة
البسيطة اللى مفيهاش فذلكة ولا تنظير كافية حول أهمية منتدى شباب العالم، وأننا
بنبعث رسالة للعالم أننا نشتغل من أجل الإنسانية وبنعمل سلام وحوار وتنمية، ولا
ننزعج من الاختلاف".
وواصل: "شباب من 196 دولة كانوا موجودين
خلال أيام المنتدى، ولو أنفقنا دعاية بالمليارات عشان نعرف الناس باللي عندنا
مكناش هنوصل للأثر اللي وصلنا بيه للناس في العالم من خلال منتدى شباب
العالم".
وأوضح أن حفل الختام يؤكد أن مصر تمتلك
إمكانيات عظيمة، والإبهار الذي رأيناه "بيقول إن فيه تطور في صناعة الإعلام في
مصر".
وأردف: "المخرجة خيرية المنصوري وهي
تعيش في أمريكا تحدثت معي وقالت في زيارة للقاهرة، إن فنانا كبيرا أمريكيا أرسلت له
مقطع فيديو يرصد احتفالية نقل المومياوات وطريق الكباش، وأول انطباع له على
الاحتفاليات أنه كان مش مقتنع أن اللي نظمها دي مصريين، وقال إن فيه ناس كتير
في أمريكا متقدرش تنظمها بالشكل ده".
وأكد "الباز"، أن ما أنفق على
منتدى شباب العالم هو من أموال الرعاة، منوها بأن تلك الفعاليات نجني من ورائها مكاسب
سياسية وثقافية، ودور وتأثير لمصر في العالم، لأن الاحتفاليات تنشر صورة إيجابية
عن مصر وتروج للسياحة المصرية.
