رئيس مجلسي الإدارة والتحرير
د. محمد الباز
رئيس التحرير التنفيذي
وائل لطفى
رئيس مجلسى الإدارة والتحرير
د. محمد الباز
رئيس التحرير
وائل لطفى

«وفاء عامر بتزيط وأنا محمية بنور الله».. تصريحات نارية لسمية الخشاب تثير الجدل

ستوديو

حلت الفنانة سمية الخشاب ضيفة على الإعلامية أسما إبراهيم في برنامج "حبر سري" المذاع على قناة القاهرة والناس، ونستعرض من خلال التقرير التالي، أبرز تصريحاتها:

زواجي من عمر كمال إشاعة تافهة ودي شروطي للزواج

أكدت الفنانة سمية الخشاب، أن شائعات الزواج تلاحقها باستمرار كونها من الفنانات الجميلات، وسخرت قائلة: "بيقولوا عليا كده عشان لذيذة وجميلة ودمي شربات وأي حد بيعدي بيجوزوني له ويطلقوني وفى حالة اتهاض ليا، والست لما تكون جميلة بتكون معرضة للشائعات".

وقالت: "أنا مش عايزة أتجوز تاني وأنا كده ملكة وبالنسبة لى الزواج نظام اجتماعي فاشل، ومش بفكر في اللي فات وأنا عايشة الحاضر".

وحول حقيقة زواجها من المطرب الشعبي عمر كمال بعد مشاركته في أغنية، ردت قائلة: "زواجي من عمر كمال إشاعة تافهة وشروطي للجواز يبقى "طيب ولطيف وغني وكريم" ويكون مش بيشوف غيري يعني أعمى".

سمية الخشاب عن حلقة شيرين: محدش يستاهل

وتحدثت الفنانة سمية الخشاب عن أزمة المطربة شيرين عبدالوهاب وقصها شعرها بعد انفصالها عن حسام حبيب، مشيرة إلى أنها "صدمت عندما رأتها لأول مرة".

وقالت الخشاب: "أنا اتصدمت من شيرين، لما شوفتها وهي حالقة شعرها، لأن زمان لما تقص شعرها كان بيكون جوزها مات في الحرب، فبتقص شعرها حزنا عليه، والتصرف دا ليه تفاسير نفسية كتير، وشيرين جميلة بشكلها وإحساسها وإحنا بنعشقها وهي قوية لأنها برج الميزان".

وتابعت: "ممكن تكون عايزة تنتهي من حياة تعبت منها، وعايزة تموتها وتنساها، ودا رد فعل طبيعي أو ممكن يكون رد فعل نفسي عنيف دون تفكير بسبب غلطة ومش عارفة هي رايحة فين وقراراتها صح ولا لا، في كل الأحوال محدش يستاهل تتخلي عن شعرك، دا إحنا بنقعد سنين عشان يطول".

وأضافت: "دي مش محنة، دي تجربة وعدت وشيرين هتستفاد منها واللي جاي أحلى من اللي فات، وربنا  بيعمل الخير لينا، وإحنا بس اللي بنشوف عكس كدا، لأننا بنبص في إطار محدود، وأنا لا يمكن أعمل زيها، أصل عشان مين؟.. محدش يستاهل".

المهرجانات كلها طاقة إيجابية وبترقص

علقت الفنانة سمية الخشاب، على الأزمة الأخيرة، التي أثارها قرار نقابة المهن الموسيقية، بمنع 19 من مطربي ومؤدي المهرجانات عن الغناء، وإقامة الحفلات، قائلة: "هاني شاكر بيدي فرص كتير وهو بيتكلم في حتة واحدة، إن إحنا مش عايزين نخلي الأغنية المصرية، تبقى شكلها مش كويس أو تسىء للفن المصري، واحنا معاه في كل الكلام دا".

وأضافت: "المهرجانات لطيفة وبترقص وفي طاقة إيجابية ومعظمنا بنجب يسمعها في وقت الأفراح ولما نحس أن أحنا عايزين نفرفش، لكن مش عايزين نسمع ألفاظ مش حلوة".

هند رستم نصيحتها فرقت ووفاء عامر بتزيط

تحدثت الفنانة سمية الخشاب، عن المكالمة التي جمعتها مع الفنانة الكبيرة الراحلة هند رستم ونصيحتها لها وما تنبأت به لها.

وقالت سمية: "الفنانة هند رستم تحدثت معي في مداخلة هاتفية عندما كنت ضيفة على قناة (النيل للدراما)، وقالتلي (أنا بحب تمثيلك أوي، وأتنبألك إنك هتكوني ممثلة ليكي اسم كبير، وعايزة أنصحك نصيحة.. غيري شوية في شعرك، وكان عندها حق لأنه فرق معايا كتير)".

وحول خلافها مع الفنانة وفاء عامر، بعد أن هاجمتها الأخيرة بسبب علاقتها بأحمد سعد، ودافعت عن ريم البارودي، قالت سمية: "احنا مش أصحاب أنا ووفاء عامر، عشان أقاطعها أو أكلمها، وأنا مهتمتش اني أرد عليها وقتها".

وأضافت: "كان ممكن أرد وأقول (اللي بيته من إزاز.. ميحدفش الناس بالطوب.. مثلا)، بس أنا مهتمتش يعني، في حاجات متديهاش أكتر من حجمها، في ناس بتحب تزيط وقت الزيطة عشان تطلع التريند والناس تتكلم عنهم".

مكنتش سبب خلاف بين محمد رمضان وزوجته

وقالت الفنانة سمية الخشاب، إنه لا صحة بشأن الأخبار التي تتحدث عن أنها تسببت فى خلاف بين النجم محمد رمضان وزوجته بعد مشاركتهم في مسلسل موسى، قائلة: "مكنتش سبب خلاف بين محمد رمضان ومراته بعد مسلسل موسى والعمل كان كويس ومشهد الفرح كان ترند وتحفه".

وأضافت أن زوجة النجم محمد رمضان تعلم أن ما ينقل عنهما مجرد شائعات لا أساس لها من الصحة ويجمعهما العمل فقط، مضيفة: "مرات محمد رمضان عارفه أنه بيشتغل وأنا ورمضان كويسين مع بعض ولكن لم اتعرف على زوجته".

وعن موقفها من الزواج الثاني، ردت قائلة: "موفقش ارتبط براجل متجوز ومش صح والزوجة الثانية بتفشل، وانا مجربتش الزواج الثاني وعمري ما كنت زوجة ثانية، وممكن يكونوا مطلقين إنما زوجة ثانية لا"، مؤكدة أن هناك الكثير من التجارب التي تعرفها لزواج ثاني من أصحاب وأقارب وفشلت العلاقات.

مكنتش أقصد أحمد سعد وأنا محمية بنور الله

وحول التلميحات المسيئة التي كانت تخص طليقها الفنان أحمد سعد بعد زواجه، أوضحت: "لا طبعًا غلط ولا عملت تويتات ولا تلميحات، ومكنتش أقصده هو خالص، وأنا اللي فات بالنسبالي مات".

وأضافت: "ربنا يسعده، وأنا بتمنى الخير لكل الناس، وبتمنى الخير لكل الدنيا، وأنا طول الوقت بعمل تويتات بطلع تريند جت على دي يعنى".

وحول العمل مجددا مع المخرج خالد يوسف، تابعت: "لا مانع لدي من العمل مع المخرج خالد يوسف، وأزماته الشخصية لا تخصني فأنا أذهب للتصوير ومن ثم إلي بيتي فقط".

وبشأن إيمانها بالسحر والأعمال،واصلت: "أصبحت الآن محمية بنور الله من الأسحار والأعمال وأنا أقوى من أي ساحر أو مشعوذ".