عبرت الفنانة منة فضالي، عن سعادتها للمشاركة في "حكاية "تاج راسنا بابا"، من مسلسل "نصيبي وقسمتك"، والتي انتهى عرضها اليوم.
ونشرت صورة لأبطال الحدوتة عبر صفحتها الشخصية بموقع "إنستجرام"، وعلقت عليها قائلة: "مش عارفه اكتب إيه بجد أنا فخورة بجد إني كنت جزء من هذا العمل المحترم الراقي الحقيقي والحب بينا كان كبير أوي وبجد حدوتة تاج راسنا بابا من الأعمال اللي كلها إحساس ومشاعر رئيسها عمنا كلنا وأبونا عم صلاح عبدالله بقولك بحبك أوي يا أحلي صاصا وسامحني بقي هاجر مشيت بس منة موجودة بنوتك حبيبتك ربنا يخليك لينا وعلى راسنا كلنا بجد".
وأضافت: "عمرو محمود ياسين مش عارفة أقولك إيه بجد كلمه شكر قليلة بس حقيقي أنا بحبك جدًا وأنت عملت معايا واجب على راسي ربنا يخليك ليا بجد ويحميك لأنك فعلًا بتتعب وجدع وكل الكلام الحلو قليل عليك".
وتابعت "محمد الخبيري المكسب والصاحب والمخرج الشاطر أوي حبيتك وحبيت شغلي معاك وأنت فعلًا مكسب لأي حد ربنا يديك الخير، لأنك طيب وقلبك أبيض مفيش منو ألف مبروك يا حبيبي، وأحمد عبدالعاطي مش حقول منتج متميز بس حقول أنت عظيم وطول عمرك متقدم ومختلف ميرسي بجد على كل اللي بتعملو لشغلك وللناس ودائمًا ناجح يا رب.. وهيثم ناصر مدير تصوير الحدوته القمر اللي فعلًا حبيتو على المستوى الشخصي لأنه فعلًا متصالح مع نفسه وعبقري.. شكرًا لكل زملائي النجوم وبقولهم مبروك من قلبي كنتم تجننو وأبدعتم".
وأنهت كلامها قائلة: "شكرًا لكل فريق الإنتاج والإخراج والإضاءة والملابس والإكسسوار وكل القائمين في هذا العمل المحترم الراقي شكرًا لتعبكم يا رجالة تعبكم بنجاح دائمًا بحبكم ووحشتوني أوي وإلى أن نلتقي شكرًا للجمهور اللي بيكم دائمًا ناجحة والصحافة والإعلام".
وتناولت الحدوتة قصة عقوق الوالدين، وقدم فيها الفنان صلاح عبدالله دور صاحب مدرسة ومربي أجيال، ولكنه يعاني من عقوق أبنائه ويحاسب نفسه على تربيته لهم.
