قال الدكتور محمد الباز، رئيس مجلسي إدارة وتحرير جريدة "الدستور"، إن خطر المهرجانات أنها تهدم قيمة العمل والتعليم، متابعا: "لو اتهزت القيمتين دول قول على البلد يلا السلام".
وأضاف، خلال "البساط أحمدي" في بث مباشر عبر
صفحته على "فيسبوك": "الطفل شايف حمو بيكا وغيره بيكسب، رغم أنه مش
بيفك الخط وبيجمع كلمتين بالعافية، وللأسف الناس دي بتتكرم، وبتاخد سيوف ذهب
وعربيات، فليه بقى يتعلم ويفكر ويشتغل؟".
وتابع: "أنا مش خايف على الزوق المصري من
المهرجانات، لأن البلد قوية وده هيتكنس خلال أربع أو خمس سنين، لكن أنا خايف أن ده
بيأثر على أجيال كتير جدا.. فيه ناس بتستعبط وتيجي تقول أغاني المهرجانات النقلة
اللى حصلت بعد عدوية، يا جماعة عدوية قدام بتوع المهرجانات عبدالوهاب عصره وزمانه".
وواصل: "شايف أن اللى بيقف ورا دعم الموجة دي من
داخل أو خارج مصر مش عاوز البلد دي يبقى فيها حاجة كويسة، وليا عتاب على منظمي
مهرجان الرياض، مصر رافضة الناس دي فيتم تكريمهم والاحتفاء بيهم بهذا الشكل؟، أمر لا
يليق".
