أعلن الفنان الشاب كريم سرور، عن تعرضه لحادث سير، واكتشاف إصابته بتضخم في الكبد، عبر حسابه على موقع التواصل الاجتماعي "فيسبوك".
وكتب كريم سرور، عبر حسابه على "فيسبوك": "عملت حادثة بعربيتى واتقلبت ومبقتش نافعة بعدها موبايلى أتدشدش وبعدها محفظتي ضاعت بكل الأوراق ولسة ليلة بقى ولف محترمة على المصالح الحكومية، بعدها روحت البيت لقيته غرقان عشان حنفية البانيو اتكسرت لوحدها كدة دون سبب".
وتابع: "شوية تعب في المعدة كالعادة يعني بس زادوا شوية أروح أكشف يقولي تضخم في الكبد، الحمد لله طبعًا على كل حال بس أنا حاليًا في انتظار الحلقة الأخيرة بقى اللي بيبقى فيها انفجار دي"، وتفاعل معه عدد كبير من متابعيه متمنيين له الشفاء العاجل.
