كشف الفنان حسام داغر عن إجرائه لعملية جراحية خطيرة في ساقه، بعد قدومه من جورجيا بالأمس.
وأعلن عن إصابته بجرح كبير في قدمه مما عرضه لمضاعفات نتج عنها عملية جراحية، وكتب عبر حسابه الشخصي بموقع التواصل الاجتماعى فيس بوك: "مبحبش أتكلم كتير في حاجة تخص تعب عندي أو أشكي لحد وبحب دايمًا الناس تشوفني مبسوط زي ما بحب أشوفهم مبسوطين.. أنا جيت من السفر إمبارح بس كنت مصاب إصابة جرح كبيرفي رجلي وأنا في جورجيا ودخلت بسببها المستشفي الألماني هناك عملوا جراحة سريعة وافتكرت الموضوع هيخلص علي كده بالمتابعة".
وأضاف: "ولكن بعد كام يوم لقيت الموضوع بيكبر ومخلصش ومضطر أعمل عملية النهاردة في مصر بعد ما رجعت وقالولي الحالة طارئة وللأسف العملية بنج كلي والمتابعة بعدها أهم لضمان نجاح العملية.. قلت الحمد لله وأنا مؤمن دايمًا إن قضاء الله أخف وأحن من أي حاجة تانية وأكيد ده الأفضل لأني واثق أن ربنا بيختارلي الأفضل".
واختتم: "بطلب منكم الدعاء بس لتخفيف أي الأم وبشكركم أنا بس حبيت أشارك لحظات ضعفي زي لحظات فرحي لأني إنسان طبيعي بشعر بالخوف والضعف زي أي إنسان وبمر بفترات مختلفة بس علطول بقول الحمدلله علي كل شيء.. الحمد لله في السراء.. الحمدلله في الضراء.. الحمدلله عل كل حال".
