استنكر السيناريست عمرو محمود ياسين، عدم إدراك البعض قيمة محمد صلاح، لاعب المنتخب المصري المحترف في صفوف نادي ليفربول الإنجليزي.
وقال في تدوينة عبر صفحته الشخصية بموقع "فيسبوك": "إلي الآن ناس كتير مش فاهمة قيمة وقامة محمد صلاح ويتعاملوا معاه إنه لاعب في المنتخب.. لسه في ناس بتتكلم إزاي يبقي كابتن على أحمد فتحي.. يا جماعة للمرة المليون.. أنت عندك في فريقك أحسن لاعب بالعالم وأكثر لاعب أحرز أهداف للمنتخب في الجيل الحالي وهو السبب الرئيسي في صعود مصر لكأس العالم الماضي".
وأضاف: "هو اللاعب الوحيد اللي أحرز أهداف بكأس العالم الماضي رغم إصابته.. لو مش أحسن لاعب في العالم أو أحد أحسنهم يبقي هو كابتن منتخب مصر.. أمال يبقي مين؟ هو إنسان ثمنه مليار جنيه ولسه ناس بتسأل هو ماشي بحراسة ليه.. وآراء كتير غريبة وعجيبه الواحد بيقراها.. القيادة مش بالأقدمية أبدا ولا نجيب أكبر شخص في أي مكان أو أي كيان ونقوله أنت المدير.. إيه الفكر ده.. ربنا يحيمك يا محمد يا صلاح.. ويفتح عقول الناس".
ونشر صورة من مباراة مصر والجابون، التي ظهر فيها كابتن أحمد فتحي وهو يقلد محمد صلاح شارة الكابتن.
