وجهت الفنانة مي كساب، رسالة نارية واجهت بها من اعترضوا نجاحها، معتبرة أن عودتها بحكاية "عقبال عوضك" هي عوضها الفني عن فترة عدم عملها.
ونشرت مي كساب صورة تتر حكاية "عقبال عوضك" معلقة عليها قائلة: "الكام يوم اللي فاتو كانو أطول مدة أقعدها لوحدي في حياتي وبعترف شفت الحقيقة الكاملة، حقيقة نفسي، حقيقة كل حاجة حواليا، وعرفت قيمة كل حاجة وندمت على كل لحظى ظلمت فيها نفسي أو ظلمت حد من اللي بحبهم وبيحبوني اللي بتكتب دلوقتي مي بس بتاعة 2010 بس بمخ العشرين سنه اللي اشتغلت فيهم ونجحت وأخفقت بسبب ظروف وأوضاع اتفرضت عليه".
وأضافت: "بس الحمد لله راضيه تمام الرضا على كل ابتلاء وكل مشكله اتحطيت فيها لأن في الآخر ربنا سبحانه وتعالى كان بيحلهالي في الآخر عشان أقدر نعمه أنا عدي عليه ١١ سنة صعبين جدًا يمكن القريبين مني عارفين أنا استحملت إيه وواجهت إيه أنا مسحت كل لحظة مش عاوزه أشوفها تاني عشان بتفكرني إني كنت مش أنا وسببت كل لحظة وكل صورة بتعبر عني وعن اللي جوايا وعن أكتر حاجات مأثره جوايا كفنانة وكإنسانة ومسحت كل صوري العائلية ولو إن دي مش أنا لحد ما أرجع أنا وأسجل لحظاتي الحلوة مع عيلتي الجميلة أكبر نعمة من رب العالمين جوزي وأولادي وأهلي وأصحابي وزملائي رفاق الرحلة الأوفياء الصادقين، السند والضهر اللي خلاني أعرف أعدي الـ١١ سنة دول".
وتابعت: "بعترف #عقبال_عوضك كان عوضي الفني والإنساني بعد صبر ١١ سنة حبيت أفضفض معاكم وأطلع اللي في قلبي عشان دي أنا بحكي اللي جوايا عشان نيتي بتكون إن اللي مريت بيه يكون مفيد لغيري ويتعلم منه حاجة تأثر فيه وتغيره للأحسن، وبإذن الله العلي الكريم أنا هرجع أنا وهحارب وأقاوم كل روح شريرة وكل طاقة سلبية أثرت عليه في السنين اللي فاتت وربنا يقدرني وأكون إنسانة صالحة وفنانة صاحبة رسالة وأكون خير في الدنيا بحبكم من قلبي وحقيقي حبكم ليه هو الحياة".
وكانت قد أعلنت الفنانة مي كساب، تعافيها من فيروس كورونا، وكتبت عبر حسابها الشخصي بموقع التواصل الاجتماعي "تويتر" اللهم لك الحمد والشكر حمدًا كثيرًا كما ينبغي لجلال وجهك وعظيم سلطانك.
