نشر الفنان حسن الرداد، فيديو للفنانة
الراحلة دلال عبدالعزيز، عبر حسابه الرسمي بموقع تبادل الصور والفيديوهات،
"إنستجرام".
وأظهر الفيديو حقيقة "كريزة
ضحك" انتابت الفنانة دلال عبدالعزيز، خلال أدائها مشهدًا تمثيليًا من مسلسل
"سابع جار"، معلقًا على الفيديو قائلًا: "حبيبتى الله يرحمها، كانت ضحكتها
حلوة وكريزة الضحك كانت بتجيلها في أي وقت كويس إن الممثلين فضلوا
مكملين".
وكانت قد عبرت الفنانة إيمي سمير غانم، عن
تأثرها لافتقادها والدها ووالدتها الفنان سمير غانم والفنانة دلال عبدالعزيز،
بكلمات مؤثرة وكتبت: "كل لحظة بتمر عليا شايفاكوا قدام عيني وإنتوا بتتألموا
وأنا ودنيا مش عارفين نعمل حاجة.. الحمد لله الحمد لله الحمد لله، بس أنا مش عارفة
أكون تمام، كل وقت بيعدي كنت فاكره هكون أحسن، بس الحقيقة إني أوحش من الأول، وكل حاجة
عملتها بس مش بهدا، الحمدلله على نعمة الصلاة والتسبيح والدعاء. أكيد بطلب من كل اللي
بيحبني يدعيلي أكون كويسة وأصبر أكتر من كده والحمدالله على أي ابتلاء أنا راضية".
