رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

منة فضالى تكشف سبب غيابها عن مهرجان الجونة

ستوديو

كشفت الفنانة منة فضالي، عن سبب غيابها عن مهرجان الجونة قائلة: لم أذهب مهرجان الجونة، وعشان أروح لازم يتم تكريمي، لأني محبش أكون موجودة في مكان أنا مليش مكان فيها، مؤكدة أنها تمت دعوتها للمهرجان في دوراته السابقة ولم تلبي الدعوة، لذلك لم تتم دعوتها هذا العام.

منة فضالى: أول مرة أشوف رقصات بيحضروا مهرجان فني

وأضافت خلال حوارها ببرنامج "مساء دي إم سي" المذاع على قناة "دي إم سي" مساء اليوم الأحد: مؤخرًا لقيت راقصات في الجونة، وده جديد علينا، وهناك ناس غريبة تتم دعوتهم في المهرجانات، متابعة: معرفش بيتم دعوتهم بناءً على إيه؟.

واستكملت: أنا مش ضد الراقصات، بس أول مرة أشوفهم يحضروا مهرجان فني، مضيفة: مفيش وصف راقصة بيكتب على تتر المسلسلات والأفلام، ليه يحضروا المهرجانات الفنية؟.

وواصلت: أنا مش بحب الشو، وطبيعتي بسيطة، مضيفة: إحنا في مجتمع شرقي، وفيه لبس الناس مبيتقبلهوش، وفيه فنانات راحوا الجونة بفساتين غريبة عشان يركبوا التريند.

واستطردت: فستان نجلاء بدري في مهرجان الجونة كان عاجبني جدًا، ورانيا يوسف مش بتلبس عشان تبقى تريند.