رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

بعد هجوم متابعيه بسبب زوجته.. رامى جمال يعتذر بتلك الرسالة

ستوديو

اعتذر الفنان رامي جمال، لزوجته عن طريقة احتفاله بعيد ميلادها، نظرًا لما احتوته رسالته لها من مضايقات وانتقاص من أهميتها وتجاهل لدورها في حياته.

ونشر صورة له رفقتها معلقًا عليها قائلًا: "أسف لو اتضايقتي يوم عيد ميلادك مني بشكل مباشر أو غير مباشر.. أصابني عدم التوفيق في استخدام كلامك وهزار اعتبروه البعض استهزاء أو انتقاص من أهم شخص في حياتي رغم إني عارف وواثق في تفكيرك وطبيعة حياتنا اللي بمميزاتها وعيوبها قررت إنها تكون مش للعلن".

وأضاف: "الآراء السلبية اللي شفتها واللي إنتي شفتيها لمجرد محاولتك إثبات إن كلامي عنك هو أصلًا بوست ليكي قبل البوست بتاعي جدعنة منك غير مستغربة للأسف قوبلت بإنك شفتي فعلًا كلام من البعض يضايق وبما إننا عايشين مع ناس في أنا بعتذرلك عن اللي حستيه بسبب هزار عارف إنك قابلاه بس من حب ربنا فيكي ومن سوء التوفيق ليا إن الناس شافته إهانة وقررت تدافع عنك من غير كلام كتير".

واختتم: "آسفلك وآسف للي ضايقهم الموضوع وشكرا جدا ليكي واللي فهموا قصدنا من الأول بس الدرس المستفاد إني غلطت في نشر حياتي للعلن أوعدكم مفيش كلام غير في اللي بشتغل فيه بحبك".

رامي جمال لزوجته في عيد ميلادها: بفكر أطلقك

حرص الفنان رامي جمال، على تهنئة زوجته "ناريمان" بعيد ميلادها بطريقة طريفة، حيث نشر صورًا مع زوجته عبر حسابه بموقع "إنستجرام"، وعلّق: "يارب أنت عارف إني اتجوزتها وهي عيد ميلادها ذكرى الزلزال القوي اللي جِه مصر، والنهارده عيد ميلادك برق ورعد وحاجة فلة كده، عرفت أنا ليه لما غنيت سقف كورونا غزت العالم، الحمد لله أننا مخلفناش لأني واثق إن ابننا كان أكيد هيبقى المسيخ الدجال، نهاية العالم هتبقى بدايتها من بيتنا".

أضاف: "كل سنة وأنتي أول وآخر وأحلى وأرخم حاجة في حياتي، بفكر أطلقك علشان أخد الدريسينج والحق يرجع لأصحابه، كل سنة وأنتي طيبة".

ومن جانبها ردت "ناريمان" على رسالة زوجها، قائلة: "أقسم بالله ما هيتحطلك قميص فيها بعد البوست دا وأنا اللي لسه بقولك أفضيلك حتة اتقي الله".