روت الصيدلانية إيزيس مصطفي، تفاصيل الاعتداء عليها من قبل موظفة في محل عملها، وكشفت عن أنها تتعرض للتنمر منذ شهر مايو، بسبب عدم ارتدائها للحجاب.
وأضافت إيزيس خلال مداخلة هاتفية مع الإعلامي
شريف عامر، في برنامج "يحدث في مصر" المذاع عبر فضائية "إم بي سي
مصر"، أنها تعمل في وحدة كفر عطالله منذ عامين والأمور كانت تسير بشكل طبيعي
حتى انضمت أبلة أمينة للعمل، مردفة: "أبلة أمينة كنت بتقولي مش لابسة حجاب
ليه، كت بقولها بتدلع شوية وبشوف يومين قبل الجواز وبحاول أهرب منها، وبعد كده
بقت تقولي أنت فاشلة شارية شهادتك بالفلوس عشان جامعة خاصة".
وتابعت إيزيس تفاصيل ما قبل واقعة الاعتداء،
قائلة: "كنت بشوف كلاب القريية مضروبين وبساعد الكلاب، فكانوا بيتنمروا عليا
عشان بساعد الكلاب، وكنت لو اتأخرت 10 دقائق ألاقيها شاطبة عليا، قلت لها كده هتفصل،
قالت لي اشتكيني في الإدارة وعلت صوتها عليا، قدمت شكوى في النيابة الإدارية يوم
28 سبتمبر، وهي عرفت إني قدمت الشكوى، يوم 29 سبتمبر روحت امضي ومكلمتهاش وأنا
بألف حدفت الدفتر والقلم على ظهري وكان فيه شهود، هبشتني في وشي وضربتني بونية
فتحت شفايفي، الناس جت على صوتي، والدكتور محمد عاطف حاول يبعدها، جرتني على السلم
من شعري، كتفوني ووقعوني على الأرض ونزلوا فيا ضرب، أبلة أمينة مسكت رقبتي وراسي وقعدت
على ظهري، محدش عرف يخلصني، أغمى عليا دقيقتين معدش فيه مقاومة افتكروني مت، فسابوني".
