رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

رامى جمال يرد على منتقدى تهنئته لزوجته: «دى حياتنا إحنا مش حياتكم»

ستوديو

رد الفنان رامي صبري، على الانتقادات التي تعرض لها بسبب تغريدته لزوجته في عيد ميلادها والتي قال فيها ممازحًا بأنه ينوى تطليقها بسبب تزامن عيد ميلادها مع أقوى زلزال تعرضت له مصر وكذلك مع الأمطار والرعد والبرق اليوم.

وقال في رده على الانتقادات التي تعرض لها عبر صفحته الشخصية بموقع "إنستجرام": "أحب أبدأ كلامي بشكر الناس اللي شبهنا اللي بتاخد الدنيا بسهولة وخفة دم شكرًا ثانيًا المجموعة بتاعت كلامك سخيف يا رامي حضرتك أنا مش جوزك أنا بقولو لمراتي اللي أنا وهي عايشين حياتنا إحنا مش حياتك إنتي اللي جايز هزارنا ما يناسبكوش وجايز الجد بتاعكم ما يناسبناش".

وأضاف: "أحب أبدأ معاكم بإن البوست بتاعي عن ناريمان هو بوست نزلته ناريمان نفسها قبل البوست بتاعي بساعة بتقلش على نفسها بخفة دم من وجهه نظري اللي من وجهة نظركم دلوقتي هتقولو عليها يبقي هي تستاهل وهي اللي جابته لنفسها وبتقبل من نفسها وكده بس برضه أقولكم ابسلوتلي نو دي أكبر ست في عيني ودي حياتنا إحنا مش حياتكم إنتم قولو لأزواجكم ولحبايبكم يهزروا إزاي ويحبوكم إزاي ويتكلموا معاكم إزاي ده حقكم وإحنا كمان حقنا نعيش حياتنا إحنا بالشكل اللي يعجبنا إحنا حتى لو مش هيرضيكم علشان إحنا مش عايشين نرضيكم الدنيا أصلًا صعبة فإحنا بطريقتنا البلدي الأوڤر دي اللي مضايقة البعض شايفين حياتنا بفضل الله وحفظه لطيفة".

وتابع: "أرجع وأقول للي بيعدلو علينا إحنا عايشين حياتنا إحنا مش حياتكم إنتم واللي بيعجبكم مش لازم يعجبنا والعكس والدليل إني خدت موضوع قلش مصر كلها علي غنوتي وعلي إن رامي قال نسقف من هنا والدنيا خربت بضحك مزعلتش أولًا لإني عارف إنه هزار وحب ثانيًا علشان أنا مش هصعب دنيا صعبة أصلًا أخيرًا بقي المجموعة اللي باعته تقولي ما تقولش الحمد لله إنك مخلفتش وكده لا أنا هقول الحمد لله علي أي رزق وأي منع وهعيش حياتي بدماغي وبنيتي وربنا اللي عارف إيه جوانا".

التغريدة التي أثارت جدلًا

وكان الفنان رامي جمال، قد قال في تغريدته: "يا رب أنت عارف إني اتجوزتها وهي عيد ميلادها ذكرى الزلزال القوي اللي جه مصر وانهاردة عيد ميلادك برق ورعد وحاجة فلة كده عرفت أنا ليه لما غنيت سقف كورونا غزت العالم، الحمد لله إننا مخلفناش لأني واثق إن ابننا كان أكيد هيبقى المسيخ الدجال، نهاية العالم هتبقى بدايتها من بيتنا، كل سنة وإنتي أول وآخر وأحلى وأرخم حاجة في حياتي بفكر أطلقك علشان آخد الدريسينج والحق يرجع لأصحابه".