دعمت الفنانة راندا البحيري، لاعب نادي الزمالك محمود عبدالرازق الشهير بـ«شيكابالا»، معلنة توقفها عن تشجيع كرة القدم حال عدم قبول طعن شيكابالا.
ونشرت راندا البحيري صورة لشيكابالا، عبر حسابها الرسمي على موقع تبادل الصور والفيديوهات"إنستجرام"، وعلقت قائلة: "خلصنا ماتش إمبارح؟ طعن محمود عبدالرازق شيكابالا على عقوبته جلسته يوم 12 في الشهر ده بإذن الله، شيكابالا لو متقبلش الطعن بتاعه وحسيت إن فيه عدل أخيرا بين الفرق وبعضها.. أنا هبطل أشجع أو أتفرج على كرة قدم تاني.. شكرا".
وأضافت: "تقدروا تعملوا سيرش على لينكات واقعة كهربا مع محمد فضل أثناء تسلمهم درع الدوري اللي محصلش فيها أي إجراء قانوني ولا حد عمل لكابتن فضل ولا لكهربا حاجة ساعتها علشان بيلعب في الأهلي".
وتابعت: "مع الأخد في الاعتبار إن شيكابالا حتى معملش اللي عمله كهربا أصلا.. ولا تعدى على حد ولا ضايق حد.. مع حبي وتقديري جدا لكهربا اللي فعلاً أنا بحبه بجد.. بس العدل يا ناس، أهلاوي قبل الزملكاوي لازم تدعم الحق وتنصف المظلوم".
وأكد كمال شعيب، محامي محمود عبدالرازق "شيكابالا" قائد الفريق الأول لكرة القدم بنادي الزمالك، أنه قدم طعنا إلى مركز التسوية والتحكيم الرياضي من أجل الطعن على قرار لجنة الاستئناف بإيقاف اللاعب 8 مباريات وتغريمه 250 ألف جنيه.
