«عملولى سحر ومتروحوش لشيوخ».. ريهام سعيد تتصدر التريند بتصريحات نارية

تصدرت الإعلامية ريهام سعيد، تريند جوجل، بعد كشفها عن علاقة بين الآثار والسحر، وأن ثلاثة أرباع من يُسحرون يعملون في التنقيب عن الآثار، موضحةً أنها "حينما ذهبت في إحدى الحلقات ببرنامجها لمنزل 5 بنات أثناء برنامجها، قاولن لها إن البيت تحته آثار ولذلك حدث لهن مسّ، وأنها كانت جريئة ومن الناس التي لا تقتنع بفكرة المس".

وقالت سعيد، في فيديو لايف عبر صفحتها بـ"فيسبوك": "قضيتي إني مؤمنة إن كل شوية بيتعمل لي سحر بوقف الحال والشغل والمرض والطلاق، والناس بتاعة ربنا اللي مش بيقى ليها في الدجل والشعوذة، بيقولولي إن أنا معمول لي سحر وكل ما يتفك الجهة دي بتجدده، وللأسف هي مش جهة واحدة اللي بتعمل كده.. ناس كتير أوي وأسبابهم مختلفة".

وأضافت: "طبعًا كل اللي بيحصل بإذن الله ومن عند ربنا، فأنا مقتنعة أن كل اللي بييجي من عند ربنا خير، لكن أنا تعبت من موضوع السحر لأن بيحصل أمور غير طبيعية ولا تتوافق مع قدراتك"، مشيرةً إلى أن الداعية مصطفى حسني قال لها إن "سورة البقرة قوية جدًا".

"السحر والحسد عالم أسود".. ريهام سعيد تحذر من الذهاب للشيوخ

وتابعت ريهام: "كل ما أجي أمسك سبحة لأعمل أذكار الصباح والمساء يحصل حاجة ومعرفش أقولها.. فعلاً الحاجات دي مُتعبة والناس اللي بتعمل فيّ كده مش عايزة تهدأ غير لما يتقضي علىّ خالص.. أنا زهقت وفكرة أن حد يأذيني بتبقى صعبة أوي".

وواصلت: "عايزة اقرأ سورة البقرة كل يوم وعايزة أعمل أذكار الصباح والمساء وبدعي ربنا أن يبعد عني هذا السحر، والحسد صعب.. أنا لما بصلي بنهار من الدموع، وقرأت لشيوخ بيقولوا إن ده من علامات الحسد".

واستطردت ريهام سعيد: "السحر طلع عالم أسود"، موجهة حديثها لجمهورها قائلة: "أوعوا تروحوا لشيوخ بحجة أنه يعرف أن عندك حاجة.. لأنه بيكشف عليكي وكل مسام جسمك بتتفتح فبتبقى معرضة أكثر للسحر والحسد".