قال حسن شاكوش، مطرب المهرجانات الشعبية، إننا لم نصل لحل حتى الآن حول قرار شطبي من نقابة الموسيقيين، وأحاول التواصل معهم للتوصل لحل.
وأضاف خلال مداخلة هاتفية ببرنامج «الحكاية» المذاع عبر فضائية «إم بي سي مصر»: «من ساعة قرار شطبي من النقابة ومبعملش أي حاجة وقاعد في البيت».
وتابع: «قدمت التماس أنا فعلا غلطت، ودي كانت أول غلطة ليا»، معقبا: «اللي بيعمل جريمة ويحكموا عليه مش بيحكموا عليه بالسجن مدى الحياة، بل بيدوله حكم مؤقت، ويكون فيه تحقيقات، لكن أنا مش عامل جريمة عشان أخد شطب مدى الحياة، دي كانت مشكلة غصب عني، وأنا طلعت واعتذرت لكل الناس».
واستكمل: «الطبالين خدوا الكلام على نفسهم وأنا مش قاصدهم خالص، ورضا في مشكلتي خد شهرين وأنا اتوقفت لأجل غير مسمى، رغم إن المشكلة واحدة».
وواصل: «حالي دلوقت باظ وواقف، وحتى الآن بحترم قرار النقابة، وبقول لو فيه
حل فأنا عايز أحل، عشان أشوف أكل عيشي أنا والناس اللي ورايا».
