علقت الفنانة سمية الخشاب، على حادثة انتحار فتاة من الدور السادس في مول "سيتي ستارز"، موجهة نصيحة لمتابعيها بأن لكل مشكلة حل.
وقالت، في سلسلة تغريدات عبر صفحتها الشخصية بموقع "تويتر": "حادثة سيتي ستارز وجعتلي قلبي، حبايبي أوعوا أي مشكلة أو موقف أو حدث في حياتكم يخليكم تفكروا في الانتحار، كل مشكلة لها حل ومفيش حاجة نهاية العالم".
وأضافت: "يا ريت لما حد يقولكم إنه بيفكر في الانتحار تحتضنوه ومتستهتروش بكلامه، وتحاولوا تنبهوا حد من أهله أو القريبين منه، عشان وقتها بيكون محتاج دعم نفسي ولازم يتلحق قبل فوات الأوان".
وتابعت: "قسوة بعض الآباء والأمهات اللي معندهمش وعي كافي تجاه أبنائهم، وخصوصا بعد النتائج الدراسية بتكون نتائجها كارثية، بطلوا تهينوا وتؤذوا ولادكم وبلاش الكلام اللي زي "انت فاشل" و"موتي نفسك"؛ عشان عواقب الكلام ده بتتسبب في مصايب، وهيبقي ذنبهم في رقبتكم".
سبب انتحار طالبة بكلية الطب
وكشفت صديقة الفتاة المنتحرة في تحقيقات النيابة، عن أن المتوفاة كانت تعاني من حاله نفسية واكتئاب شديد، لشعورها بالاضطهاد وسوء المعاملة من قبل أسرتها، وأنها أخبرتها برغبتها في الانتحار، لكنها هدأت من روعها، ولم تأخذ كلامها على محمل الجد.
بينما قال والدها إنه كان يضيق عليها في الخروج الزائد عن الحد من المنزل.
