رد الفنان سعد الصغير، على تعليقات متابعيه بعد انتشرت صور له رفقة بعض أطفال الشوارع، وإشادته لما قام به مؤكدًا أنه سعيد بردود أفعالهم.
وقال في تدوينة، عبر صفحته الشخصية بموقع "إنستجرام": "أعظم حاجة في الدنيا تساعد حد مش قادر، كان الواحد ممكن في يوم من الأيام يكون مكان الناس دي وبجد الكلام من كل قلبي، وربنا يعلم ما في القلب، حابب بس أشكر كل الناس إخواتي وأصحابي اللي دايمًا بيشجعوني وحضراتكم على فعل الخير دايما وده اللي الناس هتفتكرني بيه مش أكتر".
وأضاف: "مفيش حاجة هتدوم، كلو هيمشي، فبس قولت أصبح عليكم، ويا ريت أي حد يقدر يساعد أي حد غلبان محتاج بجد أو أي حالة يساعد والله والله عن نفسي كل اللي الواحد فيه ده من كرم ربنا فقط، أتمنى كلنا نحب بعض ونساعد بعض.. صباح الفل علي أحسن وأطيب شعب في العالم".
