في الوقت الذي تضج فيه مواقع التواصل
الاجتماعي، بأخبار عن الثانوية العامة، ونتائج الطلاب، والتي ظهرت على غير السنوات
الماضية، التي تميزت بالمجاميع العالية، وجه الفنان محمد هنيدي رسالة لكل طلاب
الثانوية العامة، في محاولة منه لرفع الروح المعنوية لكل طالب لم يحالفه الحظ في
الإتيان بمجموع مرتفع.
وكتب عبر حسابه الرسمي بموقع التواصل
الاجتماعي،" فيسبوك"، :" نتكلم جد .. ماتخليش حد يحطلك مقياس للنجاح
في حياتك .. النجاح ممكن يكون بمجموع كبير في كلية وممكن تعمله من غير المجموع ده برده
.. النجاح مش بالفلوس .. ولا بصور انستجرام اللي ظاهر فيها انك سعيد وبتصيف كل اسبوع
في مكان شكل .. ولا انك عندك فولورز او قناة يوتيوب كبيرة".
وأضاف:" النجاح ملهوش مقياس لكل الناس
.. انت ممكن تكون شغال شغلة بسيطة بس سعيد وراضي وناجح فيها .. فكرة إن ناس حصرت النجاح
في أشكال معينة وإنك تقتنع بإن ده هو النجاح .. ده اللي هيخيلك عمرك ما هتبقى سعيد".
وتابع:"النجاح هو إنك تحقق اللي انت
عايزه حسب قدراتك وعقلك ودماغك .. مش إنك تحقق اللي الناس عايزاه وشايفاه نجاح.. النجاح إنك توصل لسعادة ورضا، سواء انت بقى ملياردير أو اللي جاي على قد اللي رايح".
واختتم:" اوعى تحصر فكرة النجاح والسعادة
في الفلوس أو في الشهرة ولايكات فيسبوك وإنستجرام ومشاهدات يوتيوب
لإنك كده عمرك ما هتبقى سعيد".
