قال الإعلامي يوسف الحسيني: "أنا معروف إني زملكاوي جدًا وبشجع نادي
الزمالك، وطبعًا هبقى في منتهى السعادة لما الزمالك ياخد الدوري".
يوسف الحسيني: كنت عايز الأهلي يلعب أحسن من كده
وأضاف الحسيني، خلال تقديمه برنامج "التاسعة" المذاع عبر القناة
الأولى المصرية: "أنا فعلاً معنديش أي تعصب، ومعجبنيش لعب الأهلي النهاردة، وكنت
عايزه يلعب أحسن من كده، لأنه بطل، وأخذ بطولات أكثر من
الزمالك بكثير".
وتابع: "الأهلي مينفعش يبقى متوتر، ومينفعش يبقى قلقان، ومينفعش يتهز في ماتش، الأهلي هو الأهلي وهيفضل الأهلي".
وأردف الحسيني مخاطباً النادي الأهلي: "يا جماعة إنتوا مش مجرد نادي،
إنتوا مؤسسة، إنتوا حالة، أنا كزملكاوي بقول لنفسي يا سلام لو نبقى زي الحالة
المؤسسية للنادي الأهلي".