الأولى على شعبة الأدبى: «كانت مفاجأة والامتحانات كانت تحديًا للجميع»

قالت فريدة مؤمن، الأولى على شعبة أدبي، إنها تفاجأت من خبر حصولها على المركز الأول على شعبة أدبي، معقبة: " هدفي أطلع الأولى على الجمهورية، لكن لما اتفرجت على المؤتمر واكتشفت إني الأولى قولت هدفي اللي بتمناه اتحقق وكنت مبسوطة جداً".

الأولى على شعبة أدبي: العام الدراسي كان استثنائيا" 

وأضافت فريدة مؤمن، خلال مداخلة هاتفية ببرنامج "الحقيقة" المذاع عبر فضائية extra news، الذي تقدمه الإعلامية آية عبدالرحمن، أن هذا العام الدراسي كان استثنائيا خاصة في ظل جائحة كورونا، والنظام الجديد للتعليم كان أكبر تحد.

وتابعت الأولى على شعبة أدبي:" أنا لحد دلوقتي مش قادرة أستوعب، بقضي اليوم والأحداث لكن لحد دلوقتي أنا مش مستوعبة، لأنها فعلاً كانت سنة صعبة ومختلفة، والتحدي فيها كان حقيقي أكبر من أي سنة ثانوية عامة مضت".

وأردفت: "النظام التعليمي الجديد معتمد بشكل كامل على مجهودك الخاص، حتى أنك مش هتقدر تستفيد من خبرات الناس في الثانوية العامة السنين اللي فاتت، لأنه فعلاً نظام مختلف من الألف إلى الياء".