«فى العيد خير وفرج».. مى عزالدين توجه رسالة لـ ياسمين عبدالعزيز

وجهت الفنانة مي عزالدين، رسالة للفنانة ياسمين عبدالعزيز بعد الوعكة الصحية التي تعرضت لها خلال الفترة الاخيرة، عبر حسابها على موقع تداول الصور والفيديوهات "إنستجرام".

 

ونشرت مي عزالدين، صورة للفنانة ياسمين عبدالعزيز، وعلقت عليها قائلة: "الشفاء من عندك يا رب لياسمين ولكل مريض يا رب يقوم بالسلامة ويرجع بيته وربنا يجعل في العيد خير وفرج على الجميع"، وتفاعل معها عدد كبير من متابعيها.

 

وكانت تعرضت  ياسمين عبدالعزيز لوعكة صحية شديدة، حيث أجرت عملية جراحية، أفقدتها الوعي وأدخلتها في غيبوبة.

 

ونشر الفنان أحمد العوضي بوست على صفحته بموقع فيسبوك عبر من خلاله عن حبه لزوجته الفنانة ياسمين عبدالعزيز وخوفه عليها قال نصاً: "ممكن ببان قدامكم دايماً قوي لكن الحقيقة أنا دلوقتي أضعف إنسان على وجه الأرض عشان أنا روحي مش معايا"

 

ووجه رسالة لزوجته، "أنا ضعيف جداً من غيرك أنتي لازم تبقي كويسة ولازم تقومي بالسلامة أنا لأول مرة أكتب من غير ما أكون مفكر أنا بكتب إيه.. بس أنتي هتقومي إن شاء الله بإذن الله عشان أنتي وعداني وعد وهتنفذيه".

 

وأضاف: "أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا بحبك ألف مرة .. وأنا دلوقتي مش قوي زي ما أنتي بتشوفيني، أنا دلوقتي ضعيف جدا.. لحد ما تقوميلي تاني عشان زي ما أنتي بتاخدي قوتك مني أنا كمان باخد قوتي منك".

 

واختتم الرسالة بإعلانه مرضها وقال ادعولها تقوم بالسلامة زي ما أنتوا دايما بتدعولها بالنجاح والتوفيق.. هي دلوقتي محتاجة دعواتكم".