رئيس مجلس التحرير
د.محمد الباز
رئيس التحرير
وائل لطفى

"بحق جدعنتك".. رضوى الشربيني توجه رسالة مؤثرة لـ ياسمين عبدالعزيز

ستوديو
طباعة

وجهت الإعلامية رضوى الشربيني، رسالة دعم وحب، للفنانة ياسمين عبدالعزيز، متمنية لها الشفاء العاجل.

ونشرت صورة لها عبر حسابها الرسمي بموقع تبادل الصور والفيديوهات، "إنستجرام"، معلقة عليها قائلة:" انا متأكده انه باذن الله هتقومى منها…بحق طيبتك و جدعنتك و ايمانك بالله و السعاده اللى دخلتيها فى قلوب الناس دى كلها…ربنا هيسعدك و هيشفيكًى و يرجعلك لينا كلنا".

وأضافت: "أنا عارفة إنك قوية ومؤمنة وصبورة وحمولة وعلى قد كل ده والأيام المفترجة دى والدعوات دى كلها هتقومى أقوى من الأول بإذن الله… بحبك يا ياسمين".

وكانت ياسمين عبد العزيز تعرضت لوعكة صحية شديدة، حيث أجرت عملية جراحية، أفقدتها الوعي وأدخلتها في غيبوبة.

ونشر الفنان أحمد العوضي بوست على صفحته بموقع "فيسبوك" عبر من خلاله عن حبه لزوجته الفنانة ياسمين عبد العزيز وخوفه عليها قال نصاً: "ممكن ببان قدامكم دايماً قوي لكن الحقيقة أنا دلوقتي أضعف إنسان على وجه الأرض عشان أنا روحي مش معايا".

ووجه رسالة لزوجته، "أنا ضعيف جداً من غيرك أنتي لازم تبقي كويسة ولازم تقومي بالسلامة أنا لأول مرة أكتب من غير ما أكون مفكر أنا بكتب إيه.. بس أنتي هتقومي إن شاء الله بإذن الله عشان أنتي وعداني وعد وهتنفذيه".

وأضاف: "أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا بحبك ألف مرة .. وأنا دلوقتي مش قوي زي ما أنتي بتشوفيني، أنا دلوقتي ضعيف جدا.. لحد ما تقوميلي تاني عشان زي ما أنتي بتاخدي قوتك مني أنا كمان باخد قوتي منك".

واختتم الرسالة بإعلانه مرضها وقال ادعولها تقوم بالسلامة زي ما أنتوا دايما بتدعولها بالنجاح والتوفيق.. هي دلوقتي محتاجة دعواتكم".

إرسل لصديق

التعليقات