تصدرت الفنانة
ياسمين عبدالعزيز، قائمة الأعلى تداولا، بمؤشرات البحث بموقع جوجل، بعد الكشف عن
حالتها الصحية، وخضوعها لعملية جراحية صعبة.
وكشف الفنان أحمد العوضي، عن الحالة الصحية
التي تمر بها زوجته الفنانة ياسمين عبدالعزيز، والتي خضعت لعملية جراحية.
ووجه من خلال صفحته الرسمية، على موقع التواصل
الاجتماعي، "فيسبوك"، رسالة مؤثرة، قائلا: "يمكن ببان قدامكم دايما
قوي.. لكن الحقيقة أنا دلوقتي أضعف إنسان على وجه الأرض عشان أنا روحي مش معايا.. أنا
ضعيف جدا من غيرك.. إنتي لازم تبقي كويسة ولازم تقومي بالسلامة.. أنا لأول مرة أكتب
من غير ما أكون مفكر أنا بكتب إيه وهكتب إيه.. بس إنتي هتقومي إن شاء الله بإذن الله
عشان إنتي وعداني وعد وهتنفذيه".
وأضاف: "أنا عاوزك تبقي كويسة وتقومي
عشان أقولك إني لو كنت ببينلك إني بحبك مرة فالحقيقي واللي جوايا إني بحبك ألف مرة.. وأنا
دلوقتي مش قوي زي ما إنتي بتشوفيني أنا دلوقتي ضعيف ضعيف جدا.. لحد ما تقوميلي تاني
عشان زي ما إنتي بتاخدي قوتك مني أنا كمان باخد قوتي منك".
واختتم رسالته، قائلا: "قومي عشان
أنا بحبك.. بحبك أكتر بكتيير من كل الكلام اللي أنا كتبته.. أكتر بكتير من كل اللي عدينا
بيه مع بعض من أيام حلوة ومواقف صعبة مرت علينا.. أكتر بكتير حتى من الموقف اللي إحنا
فيه دلوقتي.. أنا بحبك.. ادعولها تقوم بالسلامه زي ما انتو دايما بتدعولها بالنجاح والتوفيق.. هي دلوقتي محتاجه دعواتكم".
وكان في منشور سابق كشف عن خضوعها لعملية
جراحية، قائلا: "الرجاء الدعاء بظهر الغيب لزوجتي وحبيبتي ياسمين.. هي في العمليات
ومحتاجة دعواتكم، اللهم إنك أنت الشافي المعافي بقدرتك على كل شيء، اللهم ارفع عنها
البلاء والوباء واشفها وعافها".
وأثار منشور آخر من شقيقها الفنان وائل
عبدالعزيز، قلق جمهور ومحبي الفنانة ياسمين عبدالعزيز، حيث كتب على صفحته على
"فيسبوك": "صباح الخير.. أنا كل اللي هقدر أقوله دلوقتى ادعو
لياسمين حالتها خطرة".
