قالت الفنانة هالة صدقي، إن والد أبنائها يستغل وجوده خارج مصر وينشر عنها أكاذيب دون الخوف من أي محاسبة، ويستغل صحفيين لنشر هذه الأكاذيب، مؤكدة أن الصحفي هو من سيتضرر في النهاية لأنه داخل مصر ويمكنها مقاضاته.
وأضافت هالة صدقي، خلال مداخلة هاتفية ببرنامج "الحكاية"
المذاع عبر فضائية "إم بي سي مصر": "أي حد خارج مصر يقدر يكتب اللي
عاوزه، لكن الصحفي اللي بياخد فيديوهاته ويتورط، قدمت بلاغ للنائب العام، لأنه
بينزل مستندات غير حقيقية، واللي هيتورط الصحفي اللي بينشر".
وأردفت: "لما الست وحشة، ولما العيال مش عيالها، مخدتهمش ليه؟
مصرفتش عليهم ليه؟ نزلت مصر مرفعتش سماعة
التليفون عليهم"، مؤكدة أنه يستخدم الأولاد سلاح، ليتهرب من النفقة والتي
قدرها 8 آلاف جنيه فقط شهريا، ولم يدفع إلا الدفعة الأولى لأنه أراد أن ينزل مصر.
وأردفت: "قلت لهم لو أبوهم عاوزهم ياخدهم في الصيف، رد عليا رد
يجرح عيالي".
وتابعت: "مش قادرة أوجع عيالي لو شتمت فيه، وأنا 7 سنين بتشتم،
ازاي أب يتحكم في أطفال أبطال رياضية يتمنعوا من السفر، ويتمسكوا في المطار زي
المجرمين، وميمارسوش الرياضة، لأن أبوهم مش عايز".
