عبرت الفنانة حلا شيحة، عن استيائها، خاصة بعد عرض كليب"بحبك" والذي يجمع بعض مشاهد لها خلال مشاركتها في فيلم "مش أنا"، والتي كانت لا تريد أن تراها.
وهاجمت الفنان تامر حسني، لنقضه اتفاقه معها، حيث أرادت ألا ترى ما شاهدته لنفسها داخل كليب "بحبك".
ونشرت البوستر الرسمي للفيلم، عبر حسابها الرسمي بموقع تبادل الصور والفيديوهات إنستجرام.
وعلقت عليه قائلة:" اتفاجئت جدا ًبنزول كليب يجمع فيه مشاهد متفرقة من الفيلم وفي أيام ذي الحجة أيام مباركة وخصوصاً بعد آخر بوست نزلته ووضحت فيه انا ايه".
وأضافت:" واتفاجئت اكتر خصوصا ًبعد وعد تامر حسني ليا وتأكيده انه حيحترم رغبتي وبعض الطلبات اللي طلبتها منه بكل احترام وود الصيف اللي فات واكدلي انه حيحترم رغبتي .. إحنا يمكن نجحنا بمقايس الدنيا بس صدقوني بمقايس ربنا احنا لم و لن ننجح".
وتابعت:" انا عارفة ومتاكدة ان زملائي جواهم خير بس للاسف فتنة الشهرة والنجاح مش بتخلينا نشوف ونقيس الامور صح.. بتكلم من قلبي الكليب ده ميرضيش ربنا وانا عيطت لاني شفت نفسي في المشاهد دي .. دي كانت زلة نتيجة ظروف مريت بيها وكلنا بنغلط ولازم نغلط علشان احنا بشر بس المصيبة اننا بنغفل وبننسى".
وواصلت:" انا مش حتكسف من حد انا تبت من المشاهد دي و هي لا تصح وانا غلطت وبصلح واهم حاجة ان ربنا يرضى عني لان في الاخر ده اللي حينفعنا مش الشهرة ولا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا".
واختتمت:" الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن، احنا كلنا عندنا امتحان في الدنيا دي وحابة افكرك بالفيديو ده يا تامر اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك وجوانا كلنا".
