هانى شاكر يطمئن جمهوره على صحته.. ويرد على هؤلاء

حرص الفنان هاني شاكر، على طمأنة جمهوره عليه بعد الأزمة الصحية التي تعرض لها مؤخرًا ونقل على إثرها لأحد المستشفيات الخاصة.

وقال هاني شاكر في فيديو نشره عبر صفحته الشخصية بموقع "تويتر": "الحمد لله بقيت أحسن  ربنا عدى الأزمة دي علي خير بدعائكم بدعاء الناس اللي يعرفوني واللي ما يعرفونيش، الحمد لله بقيت أحسن كتير وأنا في هذه الفترة في فترة نقاهة ".

وأضاف: "إن شاء الله طول ما ربنا جنبي وانتوا معايا إن شاء الله ربنا ما يجيبش حاجة وحشة أبدا، أنا بس بطمنكم علشان الناس اللي بتقول حاجات مش مظبوطة وتخض ناس كتيرة منكم وبتعمل قلق على السوشيال ميديا لتحقيق الانتشار حسبي الله ونعم الوكيل".

وتابع: "أنا علشان كدا قلت أطمنكم بنفسي وإن أنا في هاشوفكم قريب إن شاء الله يوم 1 أغسطس في دار الأوبرا، على المسرح المكشوف وأسعد بيكم وأشوفكم وأقدم لكم كل اللي نفسكم فيه وكل سنة وانتم طيبين وعلى الأم الإسلامية والعربية بخير ومصر حبيبتي بخير طول ما فيها ناس طيبة زيكم".