شيرين عبد الوهاب تكشف حقيقة وجود توكيل لزوجها

ردت الفنانة شيرين على الفيديو المسرب المنسوب لوالد زوجها الفنان حسام حبيب، ويدور حول استغلال زوجها لأرصدتها بموجب توكيل رسمي منها له.

وقالت في فيديو نشرته عبر صفحتها الشخصية بموقع «تويتر»: «مفيش توكيلات باسمة والفيز بتاعتي مش معاه، وكمان أنا كلي كدا بتاعته، وأنا جوزي متأصل وابن ناس وابن عيلة وعيلة محترمة أوي، ولا أقبل إن حد يتكلم عنه كدا لا هو ولا أمه».

وأضافت: «حسام راجل مفيش منه خلاص الناس اللي زيه ما بقوش موجودين، وخلوا الناس تفهم كدا بالعقل إحنا بقالنا 4 سنين متجوزين ولو كان راجل عايز يستفيد مني كان عمل أغنية  سينجل لنفسه والناس لازم يبقى عندها عقل وتشوف الراجل ده صايني وصاين عيالي».

وتابعت: «كل الناس بتتخانق إيه يعني كل الناس بتختلف وهو بيحبني أكثر من نفسه يا جماعة أنا حاسة أنا ربنا مديني مؤشر وقلب وحاسة إنه بيحبني وحاسه معاه بالأمان وحسام ماضرنيش كفاية إنه طلع من حياتي كل الناس اللي كانت بتستغلني وطلع التعابين اللي كانت في حياتي كل الحاجات الفاسدة طلعها».

ردي لجمهوري الحبيب و وسائل الاعلام المحترمة. (الجزء الثاني ) pic.twitter.com/DoOOWlCQ0Z

— Sherine Abdel-Wahab (@sherine) June 28, 2021