رد الفنان وائل عبدالعزيز، شقيق الفنانة ياسمين عبدالعزيز، على ليلى حلاوة، ابنة رجل الأعمال محمد حلاوة، وذلك بعد الهجوم الذي شنته مؤخرًا على الفنانة ياسمين عبدالعزيز.
ونشر وائل، صورا جمعته بليلى مع الفنان ياسمين عبدالعزيز عبر صفحته الشخصية بموقع "فيسبوك"، وعلق عليها قائلًا: "حق الرد على موضوع الأستاذة المحترمة بنت الناس المحترمين.. يا أستاذة ليلى ده عيد ميلاد سيف ابن أختي، وكان بعد طلاق ياسمين بمدة طويلة بحضور صحاب كتيرة وشهود على وجودك".
وأضاف: "أنا بقى مش عارف هو حضرتك كنتي فرحانة في الصور معانا، عشان فرحتنا وبتحبينا زي ما كنتي طول عمرك بتقولي ولا لرجوع والدك اللي إحنا خاطفينه منك الصراحة.. لو ياسمين بتحاربك طوال الـ١٧ سنة، جاية ليه بعد الطلاق تسانديها..انتي جوز حضرتك، يا ريت نراعي العشرة والسنين ونراعي إن الطرفين متجوزين حاليًا ونقفل على كدة لأن أنا اللي هرد مش هي خالص".
وتابع: "هو أنا مش فاهم الحقيقة ليه كل الهجوم ده عليها، وهي لحد الآن مغلطتش في أي شخص بأي شيء.. شيء غريب فعلا.. عمومًا عفا الله عما سلف".
كانت ليلى حلاوة، هاجمت الفنانة ياسمين عبدالعزيز ، قائلة: "إوعي تدعي حاجة مش فيك.. أنت عمرك ما كنتِ كويسة مع حد.. أنت اللي خطفت بابانا مننا من 17 سنة، وكانت أمي على ذمته، وحاولتِ طول الـ17 سنة تقطعي علاقتنا ببابانا، وحاربتينا وأذتينا كتير".
وأضافت: "الناس العادية مش عارفة حاجة، بس الناس اللي حوالينا عارفين كل حاجة.. يا ريت تبطلي أذى بدل ما نعرف الكل.. أنتِ اللي قاطعانا عن إخوتنا من يوم ما اتولدوا، وكفاية اللي عملتيه في شرم الشيخ من شهر معايا قدام الناس كلها.. عيب وكفاية وبطلي تظهري بصورة مش حقيقتك".
