دافعت الفنانة فريدة سيف النصر، عن الفنان محمد رمضان، وذلك بعد أزمته الأخيرة مع الفنانة سميرة عبدالعزيز، بمنشور مطول عبر صفحته الشخصية بموقع "فيسبوك".
ووجهت نصيحة لمتابعيها الذين طلبوا منها عد التدخل في الموضوع بعدم التعليق على منشورها لأن الساكت عن الحق شيطان أخرس.
وقالت فريدة سيف النصر: "عنده عيوب أه لكن متربي واللي بيحترم أبوه وأمه بيحترم الكبار.. ولا حد يقوللي بتطبلي له والسبوبة خلصت.. يا بني الشغل اللي أنا أشتغلته مع كل النجوم الكبار يخلليني أكره وأحتقر الوسط واللي بيحصل فيه دلوقتي.. فمش عايزة تعليقات كلها هري وبس".
وأضافت: "عيوبك.. (عنيد.. صوته من دماغه، متهور.. كياد.. بيفرس ناس قهروه وبيظهر نعم الله عليه ما استعانش علي قضاء حوائجه بالكتمان نصيحة النبي وبيجيب لنفسه ولأهله القر.. والناس اللي بتغير وتكره الخير للناس يتشالوا ويتحطوا من غير ما يؤذي حد.. ده ليه لأننا مختلفين.. كل الدنيا العالم الناجحين أوي بيفرحوا لهم إحنا لأه يردحوالهم".
وتابعت: "غلطان في حاجات كتير ماشي من وجهة نظرك بس هو شايفها صح هو حر زي ما أنت حر.. في حاجات من غير قصد والناس حواليه مابتاخدش بالها تدفع حاجاته في وقتها الشغل لاهيهم فانلاقيه كل شويه حد يسب فيه ده عيب في إدارته أو جايز حد قاصد ولا تعلم..لا حول ولاقوة الابالله العلي العظيم..ربنا ينجيك يا بني.. قولوا اللي تقولوه..لكن أشهد بالله العلي العظيم الحق العدل الشهيد وبالصلاة علي رسول الله الصادق الأمين..إن ما أقوله حدث عدة مرات أمامي. محمد يقوم لكل كبير سن أو أقدم منه في المهنة يحييه ويحترمه ويقول له احلي تحيه من نجم ميجاستار للجميع.. مثل الراحل ريحان ويقبل يده ورأسه..عارفه عبدالرسول ويبوس ايدها.. فواز..حتي العمال الكبار..محمد محترم جدا يا جماعة مع كل اللي حواليه..بالبلدي غلبان جواه الشاب اللي اتقهر وربنا أداله ومش فاهم بيتلطش ليه ده شغل ربنا وجواه عزة نفس عاجباني مابينحنيش غير لله وبيصلي فاحترمته اكتر وتاني عنده غلط اه وكلنا بنغلط الله أكبر".
وأضافت: "يوم أنا بقي ما تقابلت معاه لأول مره لقيت فراشة حلوة طيبة جت جري عليا وبوس راس وايد وترحيب وأخلاق وكلام طيب.. والله العظيم باشتغل مع عيال بمعني كلمة عيال سواء شهرة أو كم أعمال أو جماهيرية من النوعين ذكر وأنثي بتبقي بعيد عنكم ضربة القلب والغرور يا عين أمهم فهمهم غلط إن التناكة بداية النجومية والنجاح.. لاه بيفشلوا بعد شويه".
