نشرت الفنانة
إيمي سمير غانم، صورة لوالدها الراحل الفنان الكبير سمير غانم، عبر حسابها
الرسمي، بموقع تبادل الصور والفيديوهات، "إنستجرام".
وعلقت عليها
قائلة: "يا حبيبي بحبك يا أطيب راجل في العالم.. ربنا يرحمك يا بابي وتكون في
الجنة إن شاء الله، على قد طيبتك وقلبك الأبيض ربنا يغفرلك، ويطمنا عليك وتكون سعيد
ومرتاح زي ما دايما كنت بتخلينا مبسوطين وعمرك ما زعلت حد".
وتابعت: "حتى اللي كان ييجي عليك كنت بتسامحه في وقتها وعمرك ما كلمت حد بطريقة وحشة أبدًا ودايما شايل هم كل اللي حواليك وحتى اللي بيشتغلوا معاك واحد واحد عارفين جمال شخصيتك
وطيبتك".
وواصلت: "أنا ودنيا عمره ما زعق لينا ولا كلمنا بطريقة تخوف حتى واحنا أطفال (راجل طيب طيب
طيب أوي( يارب أشوفك تاني".
واختتمت
تدوينتها: "اللَّهُمَّ إِنَّ سمير ابن فتحية فِي ذِمَّتِكَ، وحَبْلِ جِوَارِكَ،
فَقِهِ مِنْ فِتْنَةِ القَبْرِ وَعَذَابِ النَّارِ، وأَنْتَ أهْلُ الوَفَاءِ والحَقِّ،
فاغْفِرْ لَهُ، وارْحَمْهُ، إِنَّكَ أَنْتَ الغَفُورُ الرَّحِيمُ".
يذكر أن
الفنان سمير غانم رحل عن عالمنا يوم 20 مايو إثر إصابته بفيروس كورونا، عن عمر
ناهز الـ84 عامًا.
