رئيس مجلس التحرير
د.محمد الباز
رئيس التحرير
وائل لطفى

«كل الصفات الحلوة فيه».. حكاية حب جمعت ميمى جمال وحسن مصطفى

ستوديو
طباعة

كشفت الفنانة ميمى جمال، عن قصة حبها لزوجها الفنان الراحل حسن مصطفى، خلال لقائها أمس الإثنين ببرنامج "كلمة أخيرة" المُذاع على قناة "ON".

 

وقالت ميمى جمال: "حسن مصطفى كان رجل طيب وحنين وعطوف وكل صفات الدنيا فيه وخلفت بعد سنة ونصف، جبنا نورا ونجلا، 28 يوما قعدت تحت رجله في المستشفى، وآخر يوم شافنى قاعدة حاطة إيدى على خدى، فقالى ميمى نزلى إيدك من على خدك هتحطى بعديها كتير ممكن أشرب ميه وشرب واتوفى".

 

وتحدثت عن قصة حبهما، قائلة: "كنا زملاء مع بعض في المسرح، وهو عنده مشاكل مع زوجته، وكان مش عجبنى دور اللى بقدمه ومتضايقة، لقيت حسن جه وبيقولى أنا كمان مش عجبنى حاجات في حياتى الشغل ملهوش دعوة، بدأت صداقة ونشتكى لبعض ونرغى سوا، بدأ الكلام يطلع حسن وميمى، جابنا سيد بدير في المسرح، وقال إيه الكلام اللى طالع عليكم أنتو، فيه حاجة بينكم، فقلت لا إحنا أصدقاء مفيش حاجة بينا".

 

وأضافت الفنانة القديرة: "جه حسن قالى أنا طلقت من 3 شهور لو طلبت منك الزواج توافقى قلتله إيه المفاجأة دى وماما مكنتش موافقة عشان راجل كبير وعنده بنت والوسط مش كويس، وكنت محتاجة ضهر، فكلمته قلتلته أنا موافقة أتجوزك واتجوزنا".

إرسل لصديق

التعليقات