قالت أسماء عبدالفتاح، منسقة حفل زفاف بالأسكوتر في محافظة الإسكندرية، إن هناك تجمعًا كونته مع صديقاتها سائقات الأسكوتر على تطبيق المراسلة "واتس آب"، معقبة: "اتفقنا جميعًا على زف أي فتاة بالأسكوتر".
وأضافت أسماء عبدالفتاح، خلال لقائها عبر زووم ببرنامج "صباح الخير يا مصر" المُذاع على قناة مصر الأولى: "عملنا أكتر من زفة بس الأخيرة هي اللي سمّعت بسبب الفيديوهات اللي نشرناها، واتجمعنا من أول نفق سبورتنج لحد ما وصلنا لبيت العروسة في شارع فؤاد".
وتابعت: "العروسة كانت مبسوطة جدًا وزوقنا الاسكوترات بتاعتنا، وكلنا 15 بنت كنا مبسوطين بالجو، وفوجئنا بردود فعل الناس، كانوا بيهدوا العربيات ويصقفوا معانا وقالوا لنا مبروك وصورونا، وكنا مبسوطين جدًا إن الناس كانت مبسوطة بينا".
وأردفت: "العروسة معانا على الجروب وكانت سايقة أول واحدة قدام وكلنا كنا وراها، ومعطلناش الشارع، لكن اللي حصل معانا هو إننا لقينا الناس بتزمر وبتضرب كلاكس، واشتركوا معانا في الاحتفالات".
