عانى الفنان إسماعيل ياسين العديد من المواقف الصعبة في بداية حياته الفنية خاصة بعدما ترك السويس واتجه للقاهرة للعمل في القاهرة.
وحكى إسماعيل ياسين عن مقلب تعرض له من فتاة جميلة عرفها ورغب في الزواج منها، وقال خلال حواره مع الإعلامي وجدي الحكيم: "بعد ما جيت مصر اتعرفت علي بنت جميلة وحبيتها أوي وكنت عايز أتجوزها، والكلام ده كانت بين سنة 38 و39 وكنت بشتغل في صالة الراقصة السيدة ببا عز الدين، وبعدين شوفت بنت اسمها سعاد وعرضت عليها نتزوج قالت لي طب روح اطلبني من واحد قريبي ظابط في قسم الموسكي، اسمه خليل العصرة".
وأضاف: "المهم روحت وقابلت خليل في القسم وطلبت منه الزواج من سعاد، قلي طيب مفيش مانع بس اديني فرصة أسأل عنك، أتضح ليا بعد كده إن خليل العصرة كان خطيب سعاد وكانوا زعلانين من بعض، فهي استغلتني عشان تخلي خليل يغير ويعرف أنها مرغوبة وممكن تضيع منه".
