شاركت الكاتبة والإعلامية أسما شريف منير متابعيها بمقطع فيديو لها وهى تبكى، عبر حسابها الشخصي على موقع التواصل الاجتماعي لتبادل الصور والفيديوهات الشهير «إنستجرام».
وعلقت أسما قائلة: "خليكي قوية.. متعيطيش.. امسكي نفسك… كفاية نكد… لازم تباني قوية، مش بحب أبين ضعفي لحد، امسحي دموعك… دايماً لازم نبين أحاسيس غير اللي جوانا عشان نبان أقوي ومحدش يستغل ضعفنا، مع إن العياط فرج، وبيخلص الروح من المشاعر السلبية، بعديها الواحد بيحس براحة، بيقلل من الضغط النفسي، لما تحسوا إنكم عايزين تعيطوا متمسكوش نفسكم".
وتابعت: "أنا صورت نفسي عشان أرجع للوقت ده وأحمد ربنا وقت الفرج، ربنا أنعم علينا بنعمة النسيان، وقت الزعل بنكون حاسين إنها النهاية لكل حاجة حلوة.. إن مع العسر يسرا، دايمًا بعد فترة صعبة ربنا بيسهلها من عنده، عالم بعباده و رحيم علينا، لازم نحترم مشاعرنا ونعيش كل لحظة ونتعلم منها ونقدرها".
واختتمت: "كل حاجة بتهون و بتبقي أحسن، أي حد زعلان دلوقتي أنا بقلك أهو إللي جاي والله أحسن والوقت الوحش هيعدي.. بس افتكروا تحمدوا ربنا ساعتها وعلي طول، و بجد الاستغفار له سحر رهيب حقيقي بيريح، بحبكم والله.. واللي جاي كله خير من عند ربنا، بكرة قريب".
وفي سياق آخر، كانت الفنانة أسما شريف منير قد أعلنت عبر حسابها على موقع التواصل الاجتماعي، خبر انفصالها عن زوجها الفنان محمود حجازي، وكتبت أسما: "يا ريت بعد إذنكم تحترموا خصوصية الموقف، بدون الدخول في تفاصيل ولا اجتهادات ما حصلش نصيب، وربنا يكرمنا إحنا الاتنين".
كما ألغت أسما شريف منير متابعة زوجها الفنان الشاب محمود حجازي، والذي رد عليها بنفس الطريقة وألغى متابعتها أيضًا من على حسابه بموقع التواصل الاجتماعي "إنستجرام".
