علق الموزع أحمد عبدالسلام، على تصريحات الفنان والملحن عمرو مصطفى، عن عمرو دياب، والفنان تامر حسني، وذلك خلال لقائه في برنامج "العرافة"، مع الإعلامية بسمة وهبة.
وقال أحمد عبدالسلام، في تدوينة عبر صفحته الشخصية بموقع "فيس بوك": "مكنتش حابب أتكلم عن حد من زمايلي في الوسط الفني، ولا ده أسلوبي، لكن كلام الملحن عمرو مصطفى، استفزني جدا، أولا تامر حسني فنان ناجح جدا ومجتهد جدا ويستاهل يكون نجم الجيل بفنه وأخلاقه، ده بالنسبة لتامر حسني".
وأضاف: "ثانيا، أنت دايما بتستغل اسم عمرو دياب، في أي برنامج ليك عشان تعمل شو، وتروج لنفسك، مش فاهم مع أنه أكتر حد وقف جنبك وكان سببا رئيسيا في اللي أنت فيه دلوقتي.. وعلى فكرة بقى، عمرو دياب ناجح من قبلك بكتير وبينجح دلوقتي من غيرك برضه، وكذلك حماقي والجسمي وكل النجوم اللي ذكرت أسماءهم... كفاية كده ومش هقولك غير كلمة واحدة ربنا يهديك وتركز في شغلك أحسن بدل ما تجيب في سيرة الناس".
