قال الملحن والمطرب عمرو مصطفى، إنه يفضل التحفظ في الحديث عن حياته الشخصية، مؤكدًا أن علاقته بزوجته عمرها 18 عامًا، ومن الطبيعي أن تمر بفترات مختلفة، مضيفًا: "مراتي مش بتزعل مني، وفيه حاجات ما بينا، ولكنها بتعدي".
وأضاف خلال حواره مع الإعلامية بسمة وهبة، ببرنامجها "العرافة" المذاع عبر فضائية "المحور": "مبحبش الكلام عن الحاجات الحلوة.. وبشوف الناس اللى بتكشف عن علاقتها الحلوة قدام الناس بينتهي بالطلاق والانفصال بسبب العين والنبر".
وواصل قائلًا: "مستحيل أخون الإيد اللى اتمدت لي وساعدتني في يوم من الأيام، وفيه ناس في حياتي أديتها فرص لـ 20 سنة.. كل يوم كنت بديه فرصة، ولكن بعد استنزاف كل الفرص برجعه للمربع صفر، وناس كتير قطعت معها وأعدتها للمربع صفر، وهذا المربع ممنوع فيه الوصول ليا تاني.. دون التفكير في الانتقام".
