انضم الفنان كريم عفيفي، لضحايا الفنان رامز جلال، ببرنامج "رامز عقله طار"، والذي يعرض عبر فضائية mbc مصر.
وقال رامز جلال، في مقدمة حلقته: "الكوميديا بقت صعبة أوي وعشان تضحك المشاهد لازم تخترق الشاشة... إحنا النهاردة معانا واحد مصنف من كوميديانات الجيل قصير مكير يمتلك من الإفيهات بير بس على مين أنت جاي لرامز الشرير اللي هيحول إفيهاتك لصريخ وعويل... معانا ومعاكم وحيد سيف الدويقة... محمد عوض الطالبية... يونس شلبي الجيارة... كريم عفيفي".
كما سخر من إطلالته قائلًا: "ده منظر فنان جاي يفتتح ملاهي ده جاي يفتح مقلة لب، وإيه الشعر ده يا كريم دانتا هتشوف مقلب جامد".
