أمير طعيمة: «بتكسف أما شغلى يطلع تريند من كتر ما بقى الموضوع مشبوه»

انتقد الشاعر الغنائي أمير طعيمة، اللعب على التريندات، مؤكدًا أن الأمر أصبح مشبوهًا وطالب النجوم بترك الأمر للجمهور، وهو يقرر نجاحهم.

وقال "طعيمة"، في تدوينة عبر صفحته الشخصية بموقع "فيسبوك": "آفة هذا العصر التريند، برامج فضايح عشان التريند، فساتين ملط ولَبْس بليتشوهات عشان التريند، لعيبة سابقين بيقولوا أي كلام عشان التريند، فنانين بيعملوا حملات ممولة رهيبة عشان يبقوا تريند والدليل إنك يوم بتلاقي أول ٥ تريند مسلسل كذا وتاني يوم مسلسل تاني والغريبة إن أكيد إحنا كمشاهدين عارفين مين اللي ناجح ومين اللي قالش".

وأضاف: "الواحد بقي لمًا بيبقي شغله تريند بيتكسف يقول من كتر ما بقي الموضوع ده مشبوه، سيبوا الناس تتكلم عن نجاحكم علي الأقل عشان تعرفوا انتوا أمتى صح و أمتي غلط".