أشاد الكاتب تامر حبيب بأداء كل من الفنانة منى زكي والفنان كريم عبدالعزيز في مسلسلي "لعبة نيوتن" و"الاختيار 2".
وكتب حبيب، عبر حسابه بموقع "إنستجرام"، : "أشعر بكل الفخر، وأعتبر نفسي من المحظوظين، علشان الاتنين دول زمايلي ومن أنظف صحابي وعشرة عمري اللي أنعم ربنا بيهم عليا.. سعيد ومبسوط وفخور علشان الاتنين دول من وجهة نظري حلوين وموهوبين ومجتهدين وعاملين أداء بجد عبقري في دورين من أصعب الأدوار اللي اتكتبت في مسلسلات رمضان السنة دي، لأنها أدوار حساسة والتخييش فيها وارد وممكن لولا حرفة وموهبة و ذكاء صحابي الجامدين، وطبعاً إدارة مخرجينهم، بكل فخر وكل تحيز ومنتهي الحيادية، مني ذكي وكريم عبد العزيز اثنين ممثلين تقال يليقوا بأكثر مسلسلين عاجبني ومكيفني ومفرحني.. بجد، اللي يحترم شغله ونفسه وجمهوره.. جمهوره يحطه فوق راسه.. مبروك شكرًا يا منامينو ويا كيكو يا جامدين قوي".
يذكر أن مسلسل "الاختيار 2" من تأليف هاني سرحان، إخراج بيتر ميمي، إنتاج سينرجي، ويشارك في بطولته كريم عبدالعزيز، أحمد مكي، إياد نصار، إنجي المقدم، بشرى، أسماء أبواليزيد، أحمد سعيد عبدالغني، هادي الجيار، سامح الصريطي، أحمد حلاوة، وعدد من النجوم وضيوف الشرف.
أما مسلسل "لعبة نيوتن" من بطولة منى زكي، محمد ممدوح، محمد فراج، سيد رجب، عائشة بن أحمد، مايان السيد، أسامة الهادي، ولأول مرة في الدراما المصرية الممثل المصري الأمريكي أدهم الشرقاوي، ومن تأليف وإخراج تامر محسن، ومن إنتاج ميديا هب سعدي- جوهر.
