كشفت الإعلامية لينا
شاكر عن أن إصابتها بالسرطان لم تكن التجربة الأولى في حياتها، حيث أصيبت والدتها بمرض السرطان، قائلة: "تجربة إصابتي بالسرطان لم تكن هي تجربتي الأولى مع المرض"، معقبة: "أنا مريت بسنين طويلة أوي
مع والدتي الله يرحمها في تجربة السرطان وشوفت كل المراحل، شوفت الخضة اللي بتحصل
في البداية وحالة الانهيار والزعل اللي بيصيب الواحد أول ما بيسمع خبر زي
كده".
وأضافت، خلال
لقاء خاص ببرنامج المواجهة المذاع عبر فضائية extra news، الذي تقدمه الإعلامية ريهام السهلي،:"
مستحيل أنسى الطريقة اللي اتقالتلي بيها إصابة والدتي بالسرطان، معقبة:" دمرتني،
مش هنساها عمري، وأنا مش مسامحة في الطريقة اللي قالي بيها الدكتور، أصل محدش ينفع يقول
لحد إنت بتموت، ممكن تتقال إنك مريض".
وتابعت:" هو قالها لكن لظروف معينة ماما ما سمعتش، لكن لطف ربنا إنها ماسمعتش، وأنا اللي سمعت، اضطريت اني أخرج بره الأوضة عشان ماما ماتشوفنيش لأني كنت في حالة بكاء مستمر".
وأردفت:" أمي
قدرت تحارب السرطان 11 سنة ونصف السنة، وخفت منه 6 سنين ورجع لها تاني".
