«العوضي» عن أدواره مع ياسمين عبدالعزيز: «ببقى عايزها أحسن مني»

قال الفنان أحمد العوضي: إن شخصية سيف الخديوي في مسلسل "اللي مالوش كبير"، مختلفة تمامًا عن دوره في مسلسل  "الاختيار" في شخصية الإرهابي هشام عشماوي.

وتابع في مداخلة هاتفية ببرنامج "كلمة أخيرة" الذي تقدمه الإعلامية لميس الحديدي على شاشة "ON": "الاختلاف هنا ممكن أقول على الدور إنه "قبضاي" باللغة الشعبية "راجل حملة" عنده عزوته وناسه".

 

وأضاف مازحا: "الدور مافيهوش تكشير كتير زي "عشماوي" وهي شخصية تحمل لزمات خاصة بها وإفيهات عشان تعلق مع الناس سواء بحركة الإيد أو الكلام".

وأكد أنه يشعر بقلق من رد فعل الجمهور، بعد نجاحه في "الاختيار" وياسمين عبدالعزيز في "ونحب تاني ليه" مما يسبب ضغط نفسي عليهما، لاجتماعهما في عمل واحد وسيواجهون تحدي المقارنة.

وأكمل: "عاوزين نقدم حاجة كبيرة وجديدة تليق باجتماعي مع ياسمين في عمل  واحد".

وتابع: "ياسمين عاملة دور تقيل وبشكل احترافي، مش بقول كده عشان هي مراتي، لكن كنجمة أنا بمثل قدامها، مؤكدا أنه لم يلاقي صعوبة في  عمله مع زوجته ياسمين عبدالعزيز قائلًا: "ماعنديش الحتة دي أني أقلق من العمل أمام زوجتي". 

وأكد: "ماعنديش في أفكاري فكرة إني أفرد ضلوعي، بالعكس أنا ببقى مهتم أنها تطلع أحسن مني وهي كمان بتتمنى كده".