ستوديو : سلمى الشيمى: عملت «سيشن موز» كسر الدنيا (فيديو) (طباعة)
سلمى الشيمى: عملت «سيشن موز» كسر الدنيا (فيديو)
آخر تحديث: الخميس 03/12/2020 12:04 ص أحلام عبدالرحمن

قالت سلمى الشيمى، فتاة فوتوسيشن سقارة، إنها مصدومة من رد الفعل على الفوتوسيشن، مشيرة إلى أنها معتادة على عمل "فوتوسيشن لها في أماكن مختلفة، وهذا مصدر رزقها".

وأضافت سلمى، خلال لقائها مع الإعلامي شريف عامر في برنامج "يحدث في مصر" المذاع عبر فضائية "إم بي سي مصر": "عملت قبل كده سيشن موز والصور انتشرت وكسر الدنيا".

وأوضحت أن مكسبها من الترويج لبعض الـ "برندات"، مردفة: "أنا رأس مالى  الصورة، وأهلى بعد انتهائى من التصوير كانوا مبسوطين جدا منه، واتفاجأوا لما الدنيا اتقلبت بعد كدة".

وأردفت: "أنا عندى عرب ولما بنزل أى صورة بيسألوا المكان فين علشان يصوروا فيه، وكان كل هدفى الترويج للسياحة".

ووجهت سلمى الشيمي اعتذارًا إلى وزارة السياحة والمتابعين الذين أبدوا انزعاجهم من الصور قائلة: "بتأسف لكل الناس اللي زعلت وأسفة جدًا لوزارة الآثار لو كنت عملت حاجة غلط".